تود راس/ فدا حسین

تود راس

فدا حسین

تا دیروز نام مہ “تودراس س س” علی محمد بود۔ بازی رفیقا مرا “الی مٙمّد” و بازہائ دیگے شی ایکِرتہ “اٙلمٙامٙد” ام موگفت۔ اید قار مہ بٙل نمیماد۔ موگفتوم “خیرہ رفیقہ۔”

اِمروز، “بے بُلغہ” یگ چرخگباد بال شُود، کی از منے نام مہ راستی شی “ع” و “ح” را از بین بُورد۔ امزوُ بہ بعد بخدا کی مرا “لرز تاو” گریفتہ، کی ایلہ اید نمونہ۔ فکر مُونوم، کی “آلی بے ‘ع’ و ‘ح’ چی خاگ د روی خو ما باد کنوم؟؟؟”

تا دِیروز ہرکس کی مرا “المامد” موگفت اید دہ قصے شی نہ بُودوُم۔ ولے اِمروز از صُب تابہ حالی ہرکس کی مرا “المامد” گفتہ، پٙقٙد تِیری پٙن ٹِکہ وری دہ دل مہ خوردہ۔ بخدا کی جگر مہ سُلاخ سُلاخ استہ۔

امو شوخ و شریر رفیقوی مہ ام یگمے دہ دست نمیہ، کی از اُونا سوال کنوم، کی شُمو “ع” و “ح” خُو، دہ کجا گُم کدہ بُودِید، کی اید وٙخت دان شم بال نہ موشُود۔ یا زِبوی شُم چرخ نہ مُخورد۔ فقط “المامد” گفتہ مرا رِشخندی مُوکدِید۔ اگر گِر کدوم، پُرسان مونوم، کی امی “ع” و “ح” از کُدم بازار دہ دست میہ، کی پس خریدہ قنجغے نام خُو پِینہ کنوم، اُونا حتماً خبر بشہ۔

بِرارو ! وخت شُم گریفتوم بخشش باشہ “خداحافظ شُم” دُعا کنین، کی تا آذوئ بیگاہ قد رفیقوئ خو رُخ دٙ رُخ شُنُوم۔ نہ کی اِمشاو نہ خواہد خاو بورُوم، بے “ع” و “ح” نُورائ دیدے خو۔

دوستا !

توغ کین بٙلمہ قارشُم نیہ۔ فقط بِسِنجین

Leave a Reply

Your email address will not be published. Required fields are marked *