سو لفظوں کی کہانی۔۔۔ جمعہ کی رات
فاطمہ: امی آج رات ہمارے گھر اتنی زیادہ روٹیاں کیوں آرہی ہیں؟
امی: آج جمعہ کی رات ہے اس لئے۔
فاطمہ: جمعہ کی اتنی خاص اہمیت کیوں ہے؟
امی: کیونکہ جمعہ اسلامی دنوں کا سب سے اہم دن ہوتا ہے اور لوگ خیرات و نذرات کرتے ہیں۔
فاطمہ: خیرات و نذرات سے کیا ہوگا؟
امی: ان سے بلائیں اور مصبیتیں ٹل جاتی ہیں۔
فاطمہ: اتنی ساری روٹیاں تو خراب ہوجائیں گی اور باقی دنوں ہمیں انہی خراب روٹیوں پر گزارا کرنا پڑتا ہے کیا باقی دنوں میں خیرات و نذرات کرنے سے مصیبتیں ٹل نہیں جاتیں؟
امی نے آنسو چھپا کر بات ان سنی کردی۔
قائد اعظم یونیورسٹی اسلام آباد سے فارغ التحصیل عارف چنگیزی گزشتہ کئی سالوں سے درس و تدریس سے وابستہ ہیں۔
Latest posts by عارف چنگیزی (see all)
- ٹپ اور کرایہ! سو لفظوں کی کہانی ۔۔۔ عارف چنگیزی - 05/10/2023
- کرایہ! سو لفظوں کی کہانی ۔۔۔ عارف چنگیزی - 14/09/2023
- سو لفظوں کی کہانی، جلاؤ گھیراؤ ۔۔۔ عارف چنگیزی - 20/08/2023
