اہل بیت کی دیگر خاندانوں سے رشتہ داریاں … علامہ محمد حسین فیاض

ترجمہ: اسحاق محمدی
اسلامی تاریخ کا ابتدائی دور بزرگان اسلام اور اس دور کے اہم سیاسی خاندانوں کے باہمی رشتوں کے لحاظ سے کافی دلچسپ رہا ہے۔ اس تلخ حقیقت کے باوجود کہ ان میں سے بعض کی آپس کی لڑائیوں کے دوران ہلاکتیں بھی ہوئیں لیکن ان کے بچوں، نواسوں اور بعد کی نسلوں کے درمیان نہ صرف رشتہ داریاں ہوئی ہیں بلکہ انہوں نے ایک دوسرے کے ناموں کا استعمال بھی کیا ہے۔ اس تحریر میں چند مثالیں پیش خدمت ہے۔

اول: اہل بیت کی حضرت ابوبکر صدیق کے خاندان سے رشتہ داریاں
1۔ آنحضرت کی بی بی عایشہ بنت ابوبکر صدیق سے شادی
2۔ امام حسن مجتبیٰ کی بی بی حفصہ بنت عبدالرحمان بن ابوبکر صدیق سے شادی
3۔ امام حسن کے پڑپوتے حضرت موسیٰ کی حضرت ابوبکر صدیق کی پڑپوتی ام سلمہ سے شادی
4۔ امام علی کے بھتیجے اسحاق کی ابوبکر صدیق کی ایک اور پڑپوتی ام حکیم سے شادی
5۔ امام محمد باقر کی ابوبکر صدیق کی نواسی ام فروہ سے شادی
دوئم: اہل بیت کی آل زبیر سے رشتہ داریاں
1۔ پیغمر اسلام کی پھوپھی صفیہ کی عوام سے شادی
2۔ امام حسین کی بیٹی ام الحسن کی حضرت زبیر کے بیٹے عبداللہ سے شادی
3۔ امام حسن مجتبی کی بیٹی رقیہ کی حضرت زبیر کے ایک اور بیٹے عمرو سے شادی
4۔ امام حسن کی بیٹی ملیکہ کی حضرت زبیر کے نواسے جعفر سے شادی
5۔ امام حسین کی بیٹی سکینہ کی حضرت زبیر کے بیٹے مصعب سے شادی
6۔ امام سجاد کے نواسے امامزادہ موسی کی حضرت زبیر کی نواسی عبیدہ سے شادی
سوئم: اہل بیت کی آل خطاب سے رشتہ داریاں
1۔ آنحضرت کی حضر عمر کی بیٹی حفصہ سے شادی
2۔ حضرت عمر کی امام علی کی بیٹی ام کلثوم سے شادی
3۔ امام حسن کے بیٹے حسن مثنی کی حضرت عمر کی نواسی رملہ سے شادی
4۔ امام سجاد کے نواسے حسن افطس کی حضرت عمر کی پڑپوتی بنت خالد سے شادی

چہارم: اہل بیت کی آل طلحہ سے رشتہ داریاں

1۔ امام حسن کی حضرت طلحہ کی بیٹی ام اسحاق سے شادی اور انکی شہادت کے بعد ام اسحاق کی امام حسین سے شادی

پنجم:اہل بیت کی بنی امیہ سے رشتہ داریاں

1۔ آنحضرت کی دو بیٹیاں رقیہ اور ام کلثوم سے حضرت عثمان کی شادی جس کی وجہ سے انہیں “ذوالنورین”بھی کہا جاتا ہے
2۔ آنحضرت کی بیٹی زینب کی حضرت عثمان کے خالہ زاد بھائی ابولعاص سے شادی
3۔ حضرت فاطمہ زہرا کی رحلت کے ایک ہفتہ بعد ابوالعاص کے کزن، امامہ سے امام علی شادی
4۔ امام علی کی بیٹی خدیجہ کی عبدالرحمان اموی سے شادی
5۔ امام علی کی بیٹی رملہ کی معاویہ اموی سے شادی
6۔ امام حسن کی نواسی زینب کی اموی خلیفہ عبدالملک کے بیٹی ولید سے شادی
7۔ امام حسین کی بیٹی فاطمہ کی حضرت عثمان کے نواسے عبداللہ سے شادی

ششم: اہل بیت کی اپنے چچا زاد بھائیوں، بنی عباس سے رشتہ داریاں

1۔ امام جواد کی خلیفہ مامون کی بیٹی ام حبیبہ سے شادی
2۔ امام علی کے پڑپوتے عبیداللہ کی خلیفہ منصور عباسی کی پھوپھی سے شادی

 

منابع
أرشيف ملتقى أهل الحديث، ج146: 407. به نقل از:
1. عمده الطالب، ابن عنبه
2. انوار نعمانیه جزایری
3. ارشاد شیخ مفید
4. تراجم اعلام النساء محمدی حائری
منتهى الآمال شیخ عباس قمی
5. تاريخ يعقوبي
6. سر السلسلة العلوية ابي نصر البخاري

نوٹ: محمد حسین فیاض ایک دینی و مذہبی سکالر اور کئی کتابوں کے مصنف ہیں۔ ان کی اصل تحریر فارسی میں ہے جومندجہ ذیل لنک پر دستیاب ہے۔

اسحاق محمدی

اسحاق محمدی

مضمون نگار امریکی شہر نیویارک میں مقیم ہیں۔ تاریخ کے طالب علم رہے ہیں اور تحقیق سے گہرا لگاؤ رکھتے ہیں۔

Leave a Reply

Your email address will not be published. Required fields are marked *