ایک خوبصورت محفلِ مشاعرہ

 ایک خوبصورت محفلِ مشاعرہ

دبستانِ بولان کوئٹہ (ر) کے زیر اہتمام ایک خوبصورت محفلِ مشاعرہ ، بروز اتوار 16 جون 2019، شام 5:00 بجے پروفیسر صدف چنگیزی کی رہائش گاہ، کوئٹہ کینٹ میں منعقد ہوا۔

محفل کی صدارت بلوچستان کے معروف شاعر پروفیسر رشید حسرت نے کی، مہمانِ خصوصی جیکب آباد کے مہمان شاعر محترم شبیر موج تھے۔ محفل کی نظامت کے فرائض محترمہ شبنم اعجاز نے احسن طریقے سے انجام دئیے۔

اس بابرکت محفل کا آغاز کلام پاک سے ہوا، پھر سید طاہر عباس نے استاد رشید انجم کی غزل ترنم سے سنا کر ان کی یاد تازہ کردی۔ پروفیسر رشید حسرت، محترم شبیر احمد موج، پروفیسر صدف چنگیزی، محترم رفیق طالب، ڈاکٹر اعظم بنگلزئی، شفقت عاصمی، جرات علی رضی، شبنم اعجاز، سید طاہر عباس، عجب خان سائل، محمود فدا کھوسہ، محسن چشتی، اور عرفان علی عابد شاملِ محفلِ تھے

شعرائے کرام کے کلام سے انتخاب

حیا محفوظ کرتے ہیں ردائیں بانٹ لیتے ہیں
چلو ہمدم مرے ہم فاختائیں بانٹ لیتے ہیں

ہمیں یوں شب گزیدہ وحشتوں نے گود میں پالا
اگر بپھریں تو رستے پُر خطر خاموش رہتے ہیں

پروفیسر رشید حسرت
(صدر محفل)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(نعت)

ہے قفس دنیا مرا دم گُھٹ رہا ہے اسلئے
شہرِ آقا میں سکونت دائمی درکار ہے

شبیر احمد موج (جیکب آباد)
(مہمانِ خصوصی)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(اردو غزل)

کیسا لگتا ہے کہ طوفان سے بچتے بچتے
اپنے حاصل کو کنارے پر ڈبونا اے دل

(فارسی غزل)
سوالِ من سوالِ سادہء دل
جوابِ زندگانی پیچ در پیچ

پروفیسر صدف چنگیزی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زہر کے بدلے ان کو رفیق
خونِ دل ہم پلانے لگے

رفیق طالب (صحبت پور)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سب راز بتادیں گے تمہیں دشتِ جنوں کے
ہم جیسے فقیروں سے تو مل کر کبھی دیکھق

ڈاکٹر اعظم بنگلزئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھول جانے کا تجھے سوچتا ہوں
ان دنوں کتنی فراغت ہے مجھے

شفقت عاصمی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بدحواسی کا یہ عالم ہے کہ اک عمر ہوئی
صبحِ دم دردِ مسلسل ہے قرار آخرِ شب

جرات علی رضی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منانا بار بار اچھا نہیں ہے
کسی سے اتنا پیار اچھا نہیں ہے

محمود فدا کھوسہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بنامِ عشق وہاں ہم دئیے جلاتے ہیں
ذرا ذرا مجھے تم روشنی میں رہنے دو

عجب خان سائل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جو منافق رہا سدا طاہر
کرتا رہتا ہے وہ بھی ماتمِ عشق

سید طاہر عباس
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وصل پابندِ وقت ہے لیکن
ہجر اک قیدِ بے زمانہ ہے

شبنم اعجاز
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایسے ڈرتے ہیں ہم جدائی سے
جیسے پتے ہوا سے ڈرتے ہیں

محسن چشتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(فارسی غزل)

یک بہ یک عابد شود دیوانہ تر
تا ببیند حلقہء گیسوئ تو

عرفان علی عابد

محفل کی تصویری جھلکیاں

0 Shares

Leave a Reply

Your email address will not be published. Required fields are marked *