زیبونی آزرگی … رازق کوہزاد

زیبونی آزرگی …

رازق کوہزاد

زیبونی آزرہ اید کودم ائیب ندرہ . دہ شانمہ چیزی ائیبی کی استہ دہ خود از مو مردوم استہ . از لیازی روانی مو مردوم تاتیس رہ غدر موشکیل دیرے . امو رقم کی آزرہ بودو جورم بودہ زیبون شی ننگ بودہ دہ دورونی بستہ تاریخ خو اوروغی تورگ زیبون خو پرداخت شی اید نکدہ . از او تیر شودہ بلے از مو مردوم شیجیر دیگو بال دیست بودہ . بینی ، مو چیم چیکل مو مسقرہ شودہ زیبون مو شیجیر تخمیرہ شودہ تا اندازہ رہ کی خودون مو ایٹیٹہ و اوٹوٹے خو تخمیرہ کیدہ امدے . از سایی کی شیجیر مسقرہ شودے ، تاسیر ازی رہ ما دہ ای سری روز دہ چیمی سر خو مینگرنوم .
دہ بارے رسم خد آزرگی یگو نفر نیمشتہ کیدد . لوزایی گینے آزرگی رہ خودا در شومو کویٹہ گی یا موبارگ کنہ . دونیا پیشرفتہ شودہ شومو پسکی ریی یید ، گولخو ، تئوخنہ ،دالیز ، دیشکہ ،گوگئی ،باٹال رہ خودا در شومو بوبخشہ .
زیبو شیناسا موگیہ کی دہ دونیا یگو زیبو لوزای شی از دیگہ زیبو نہ برترو نہ کمترہ . اینیالی کسای کی لوزای زیبونی خودشی دہ نزرشی مولمود و بدنمود و از دیگرو نوربند و پیش رفتہ مییہ ، وا مسلے نفسیاتی( روانی) دیرہ
آشپر خانہ و کیچن دہ شان شی نوربندہ ، گولخو مولمود وبدنمودہ .

Leave a Reply

Your email address will not be published. Required fields are marked *